𝕎𝕒𝕒 𝕞𝕒𝕩𝕒𝕪 𝕓𝕒𝕣𝕓𝕒𝕒𝕣𝕚𝕟????

Qormadeenan waxaan kaga hadli doona waxa ay tahay barbaarin.

Barbaarinta ilmahu: waa ilmaha oo dhamaan dhinacyada nolosha laga koriyo, haday tahay jidh, maskax,fikir,qiyam, dhaqan iyo ruux ahaan lanasoo saaro ilmo dhamaystiran.

Hadaba hadaan Somali nahay ubadkeena 90% waxan ka korinaa hal dhinac oo kamida barbaarinta ilmuhu ubaahanyahay taas oo ah jidh ahaan, waxaan naqaan uun caloosha ubuuxi, jidhkiisuna hakoro. Kadib waxaan soo saarna qolfi madhan oo jidh ahaan uun ukoran. Tana waxaan kadhaxalnay bulshadeenu qaabka ay unooshahay iyo sida waalidkeen inooso koriyay isna waalidkii usoo koriyay, se dunidan ama casrigan aan maanta joogno taasi shaqayn mayso oo ilmihii wuxuu ubaahan yahay dhamaan dhinacyada nolosha in loo diyaariyo oo laga koriyo.

Barbaarinta korinta ilmuhu waxa ay tahay ama ugu muhiimsantahay 7sano ee ugu horaysa ee noloshiisa, 7sano waxay tahay inuu ilmahaasi helo qof sifiican u barbaariya oo garanaya waxay tahay barbaarinta waqtigaa lamarayaa, ilmaha kuma barbaarin karot ii laynagusoo barbaariyay sababtuna waxay tahay isku waqti majoogno kala waqti ayaan nahay khataro badan oo maanta jira ayaan jirin waqtigii uu barbaaray waalidka ilmaha korinayaa. Waxa lagayaaba maanta inaanad dhex jooginba bulshadii aad kusoo dhex barbaartay.

Ilmaha barbaarintiisa waxa iyana qayb aad uweyn kaqaadata mujtamaca lagu dhex korinayo hadii mujtamicii iyo ilmii la barbaarinayay noqdaan laba kaladuwan way adkaan karaysaa taasna waxa keliya ee lagaga bixi karaa waa iyadoo labarto waxay tahay barbaarinta haboon ilmihiina loo noqdo waxa aad isleedahay ku barbaari ILLAAHAY s,w,t lala talo saarto. Ilmuhu intuu yar yahay waxa loo sheego maqaato keliya wuxuu qaata uun waxa uu arko. Waa cejelad madhan oo duubaysa wax kasta oo aad samayso. Markaa markaad tahay barbaariye waxa kuu fiican inaad dhaqamada wanaagsan iskuxeerto marwalba aad samayso si ilmahan uu kaaga arko kadibna uu adi kaaqaato adaan ubagudbin ilmihii oo aan gaadhsiin.

Waalidka ilmaha barbaarinaya hooyada iyo aabuhu waa inay iskula socdaan barbaarinta ilmaha hadii aan lagu wada socon barbaarintu way adkaanaysaa waa in si iskumida oo laysla ogyahay ilmahan loo barbaariyo, maanta ilmihii hadii aad isleedahay ilmihii dabeecad uu leeyahay bedel se aabihii ama hooyadii kuwada socon, caruurtu aadbay u caqli badanyihiine way idinka dhex faa’idaysanayaan oo qofkan iskudayaya dabeecadan inuu ilmaha ka baabi’iyo mooye ka kale ayuu dhiniciisa marayaa. Halkaasna waxa ka imanaysa inay adkaato ilmaha in laga baabi’iyo dabeecad xun oo uu leeyahay ama wax bara lays leeyahayba, markaa aadbay muhiim utahay in barbaarinta ilmaha siwadajira loo wada wado.

Marwalba aan niyada kuhayno inaan soo saarno jiil wanaagsan oo naftooda iyo dadkaba anfac, jiil dunidan wax kusoo kordhiya, jiil soo saara farac wanaagsan in ay noqdaan qaar RABIGOOD u hogaansan oo wuxu faray qaadanaaya wax kasta oo uu kareebayna kategaaya, qaar maalinta aad ifkan katagto kuuso duceynaya oo ah waladkii saalixa ahaa ee uu Nebigeenu s,c,w uu inoosheegay marka bani’aadamku dhinto ee camalkiisu istaago inuu waladka saalixa uu kamid yahay sadexda camal een aan istaagin ee qofkii usii shaqaynaya isagoo aan noolayn.  

 Goorma ayay bilaabataa Barbaarinta iyo Tarbiyada ilmaha?

Barbaarinta ilmuhu waxay bilaabata marka lamaanuhu isdooranayo ee uu xulanayo qofka kale ee uu nolosha laqaybsan doono, hadii ILLAAHAY s,w,t awlaad siiyana uu uga dhigaayo hooyo ama aabo, hadad udoorto hooyo ama aabe waxbadan kafahansan barbaarinta, leh aqoon diimeed iyo mid maadiba naftiisa utaagan horumarintiisa marwalba. Ilmahaagu wuxuu helayaa barbarian fiican hadii taa cagsigeedu timaadana ilmahaagi halkaas waxa kuhalaabtay bilawgii barbaarintiisa.

Waxa aad iyo aad uhaboon arintaa in laga fiirsado qofka aad uga dhigayso ilmahaaga hooyo ama aabe, Ilmahaaga waxa kuxidhan mustaqbalkiisa oo dhan aduunkiisa iyo aakhiradiisaba.

Hadii barbaarintu inoo toosto waxa toosaya wax walba oo nolosheena oo dhan khuseeya waxa inooso baxaaya jiil kabedelan kan manta oo wax badan oo wanaaga aan ka filanayno ee aan ku dadaalno inaan xooga saarno sidaan nafaheena ubari lahayn barbaarinta haboon aan lasoconana maalin walba waxa kusoo kordha barbaarinta, waayo xirfadan barbaarintu waa wax mar walba ay wax kusoo kodhayaan oo aan meel iska taagnayn. Ubadka labarbaarinayana aan ILLAAHAY la kaashano inoo inala barbaariyo.